德國喺1897年強行佔領膠州灣，清廷無力抵抗，主張革新嘅康有為多次上書光緒帝，警告中國遭到西方列強瓜分，指出改革係勢在必行。康有為多次上書之後，光緒喺1898年（戊戌年）6月11日頒布著名嘅《明定國是詔》，正式確定實施變法，力求自強。不過結局係點？相信對歷史有興趣嘅嘅史友都知道，一百幾日嘅改革，只係曇花一現。

康有為得到光緒嘅信任，獲任命為總理衙門嘅章京，成為變法領導者，其他改革派人士包括梁啟超、楊銳、劉光第、林旭同埋譚嗣同等人亦先後得到重用，呢場變法涵蓋教育、行政管理、工業同國際文化交流等領域。但最終呢場改革因為慈禧太后同保守派反對，喺9月失敗告終，由開始到結束只有103日，所以呢次變法就被稱為「百日維新」。

原圖嚟自網絡。