之前講到因為義和團排洋、清廷向西方列強宣戰,觸發八國聯軍入侵,最終搞到慈禧太后、光緒帝要落荒而逃。其實呢個時候,清廷重臣李鴻章原本有機會成為總統、提早10年結束帝制,但李鴻章當時拒絕,並且接受慈禧任命,負責同聯軍議和。

喺1900年6月21日,清廷向英、美、法、德、意、日、俄、西、比、荷、奥11國同時宣戰,當時係兩廣總督嘅李鴻章,以及兩江總督劉坤一、湖廣總督張之洞、閩浙總督許應、四川總督奎俊、山東巡撫袁世凱等收到慈禧嘅宣戰詔書之後,都拒絕應詔,同各參戰國達成協議,實行「東南互保」,令長江中下游及東南各省唔受戰爭影響。

當時啲巡撫同督撫已經暗中決定,如果北京失守、光緒同慈禧有咩不測,就推舉李鴻章做總統、支撐大局,李鴻章嘅幕僚甚至寫信過孫中山,話李鴻章「因北方拳亂,欲以粵省獨立,思得足下為助,請速來粵協同進行。」不過到咗7月8日,清廷調任李鴻章做直隸總督兼北洋大臣,代表清廷同聯軍議和,最後李鴻章都係決定上任。李鴻章喺翌年逝世,終年78歲。

原圖取自網絡。