相信史友都去過1998年開始運作嘅赤臘角機場，至於赤臘角機場啟用之前嘅啟德機場，就係响1936年3月24日開始提供民航服務，由嗰日起英國帝國航空公司（Imperial Airways）每星期提供一班來往馬來西亞檳城同香港嘅航班。而英國帝國航空公司嘅多拉多號，就係香港史上第一架抵港嘅民航客機，象徵香港民航業正式「起飛」。

抵港嘅第一班民航客機係由檳城起飛，經越南西貢飛抵香港，而機上就只有一位乘客——馬來西亞華僑王怡林，佢當時花咗30英鎊買呢張首航機票，但機上連一個座位都無，王怡林唯有坐喺十幾包大郵包上面，成為啟德機場轉為軍民兩用機場後首位乘客。

圖片為多拉多號，背景為30年代啟德濱高尚住宅區，取自網絡。