輪船、街渡大家可能有搭過，咁大家有無聽過花尾渡？清末民初嗰陣，花尾渡通常係珠江下游主要嘅水上客運工具。隻船主要用進口嘅坤甸木裝造，甲板就用上柚木，結構堅固，而船頭船尾就有唔同嘅彩色圖案，色彩斑斕，所以就有「花尾渡」呢個名。

花尾渡載客量多，小則一兩百、大則可以載三四百人，部分花尾渡嘅客艙有各種設施，包括廂房、餐廳、浴室、廁所等等。直至1980年代初，開平嘅潭江河面發生咗一場慘劇，一架花尾渡被龍捲風擊沉，造成293人罹難，令花尾渡逐漸被淘汰。

圖片來源：Dennis G. Crow Ltd.