喺八國聯軍侵華期間,慈禧太后同光緒帝搞到要落荒而逃,不過呢段走難路途並唔係由軍隊保護,居然係由外面請返嚟嘅鏢局護送?而接呢趟「鏢」嘅,就係有「天下第一鏢」之稱嘅李氏鏢局。據講,慈禧之所以搵鏢局護送,其中一個原因係唔相信御林軍嘅實力,而另一方面鏢局有唔少武功高強嘅人士,而且門路多,一般山賊土匪都唔敢劫鏢,再加上佢哋識行唔同嘅捷徑,唔會引起聯軍嘅注意。相對於御林軍,鏢局可以話更加可靠。

李氏鏢局係當時京城內最有名望嘅鏢局,佢哋相當重視呢趟「鏢」,不但派出鏢局武功最高強嘅鏢師,仲專誠訓練一批識武功嘅侍女,沿途負責保護慈禧。唔使幾日,鏢局就將慈禧送到太原,後嚟慈禧嫌太原生活貧苦,鏢局再送佢去到西安。慈禧喺西安等咗一年,等到聯軍離開京城,佢就大搖大擺咁由軍隊送回京城。回京之後,佢感謝李氏鏢局嘅護送,就賜咗「天下第一鏢」嘅稱號俾佢哋。

原圖取自網絡。