一舉手,一投足,盡顯功架。京劇大師梅蘭芳於1930年代前往美國等地演出,唔少美國人專門買飛捧場,搞到票價係咁飆升。當中梅蘭芳演出嘅《刺虎》被指拍得住莎士比亞作品,响美國大受歡迎,內容係講佢飾演嘅宮女費貞娥假扮公主,下嫁李自成嘅結義兄弟、「一隻虎」李過,實則係响洞房花燭夜乘機灌醉同刺殺對方。從片段可見,梅蘭芳嘅扮相好靚,加埋戲服同頭飾,簡直一絕。據講《刺虎》係梅蘭芳於國外演出嘅戲碼中,唯一嘅崑劇。

視頻來源:mirc.sc.edu