喺1839年嘅7月7日，當時仲喺清朝領土嘅尖沙咀發生咗著名嘅林維喜案，而呢單案仲成為之後第一次鴉片戰爭嘅導火線添。話說，當時一班英國水手喺尖沙咀村醉酒鬧事，打死咗村民林維喜。英國駐華商務監督義律趕到現場，佢指示一名村民將1500蚊交俾林維喜屋企人，換取佢哋隱瞞死因。受命去廣東禁煙嘅欽差大臣林則徐覺得有可疑，於是叫新安縣知縣梁星源徹查案件，查出真相之後，林則徐要求義律交出兇手，但義律拒絕並自行輕判兇手，以及將兇手送返英國。

林則徐於是下令禁止貿易，停止向英國人供應糧食同物資，之後因為英軍索取糧水不果，中英雙方喺九龍山同官涌一帶爆發衝突，成為日後鴉片戰爭嘅導火線。

圖為義律，取自網絡。