美國近排同伊朗關係認真麻麻，美國不斷加強制裁施壓，搞到連伊朗最高精神領袖哈梅內伊同埋伊朗外長都被列入制裁名單。講開美伊，搞到阿史諗起《Argo救參任務》呢套取材自1979年伊朗人質事件嘅電影，套戲仲喺2013年贏得奧斯卡最佳電影、最佳改編劇本同最佳接剪獎項。

事件發生喺1979年，當時伊朗爆發伊斯蘭革命，推翻親美嘅王禮薩·巴列維。同年10月巴列維去咗美國接受淋巴瘤治療，引起民眾不滿，有激進份子衝擊美國駐德克蘭領使館，帶走66名美國外交官同平民。有6名美國外交人員趁混亂成功走甩，並得到加拿大領使庇護。當時美國中情局就憂慮呢6名外交人員會被激進份子殺害，於是派專家扮加拿大製片人，去德黑蘭拍攝名為「Argo」嘅科幻電影，而嗰6名外交人員就扮製作團隊成員，最後成功撤離。

當年頒發奧斯卡最佳電影時，有關方面仲搵咗當時嘅美國第一夫人米歇爾揭盅，唔知係咪其他入圍電影《孤星淚》、《少年PI的奇幻漂流》、《林肯》等等太強勁，搞到《Argo救參任務》得獎時，唔少人大跌眼鏡。

圖為《Argo救參任務》劇照，取自網絡。