七七盧溝橋事變揭開中國近代史上嘅重要一頁。1937年7月7日，駐紮北平城外嘅日軍响盧溝橋附近演習，聲稱有士兵失蹤，要求入城搜查。中國守軍當然嚴詞拒絕，點知日軍又開槍又射炮彈，再配合潛伏鐵路東側嘅日軍輕重機槍及山炮一齊炮轟城內。至於中方，國軍團長吉星文拒絕退讓，向日軍開咗第一槍，兩軍繼而互相開火。八年抗戰，因而揭開序幕。

其實日軍口中所謂嘅「失蹤」士兵，名為志村菊次郎，事實上佢當年好快已經歸隊。盧溝橋事變始作俑者、日軍第八大隊大隊長一木清直1938年承認，當時已經接到士兵歸隊嘅報告，所謂嘅「搜查失蹤士兵」，講到尾只係企圖「合理化」侵略嘅藉口。

原圖取自網絡。