波茨坦會議喺1945年嘅今日舉行，咁呢個會議係傾啲咩嘅呢？話說，當時正值第二次世界大戰嘅尾聲，蘇聯、美國同英國三國嘅政府首腦喺德國柏林附近嘅波茨坦舉行會議，討論點樣處置已經投降嘅納粹德國、對日本嘅作戰策略，以及戰後國際秩序等等問題。不過大家好地地傾傾吓，其中一方居然要中途換人？

當年美國總統羅斯福喺4月12日因為腦出血病逝，接任總統嘅杜魯門首次代表美國出席會議。而波茨坦會議舉行期間，英國正舉行大選，首相邱吉爾半途要返國參加大選，但點知所屬保守黨就輸咗俾工黨，工黨黨魁艾德禮接任首相，搞到要換人參加波茨坦會議。

原圖取自網絡。