「開封有個包青天，鐵面無私辨忠奸」，相信經歷過九十年代初嘅朋友仔都聽過首歌。近期電視不斷播新版包青天嘅預告，唔少觀眾越睇越搲頭：包拯無鬚兼識功夫？公孫策套衫換咗第二隻色？無可能，阿史心目中嘅包拯同公孫策只有金超群同范鴻軒佢哋兩個，而埋藏响心底嘅展昭，就係何家勁同呂良偉。呢個時候，秘書妹妹又插把口，話佢嘅心水係焦恩俊，大家又點睇？

圖為《包青天》劇照原圖嚟自網絡。