喺1894年7月25日，日本海軍喺朝鮮豐島附近襲擊清廷軍艦，雙方爆發衝突，最終清廷軍艦敗走，駛回威海，而呢次衝突亦被視為中日甲午戰爭嘅開始。至於點解日本要襲擊清廷軍艦、不宣而戰？事緣當時中國係朝鮮嘅宗主國，而日本展開明治維新之後，於1887年參謀本部制定《清國征討方略》，提到要先後攻佔台灣、朝鮮、滿蒙，最後消滅中國。甲午戰爭以清廷慘敗告終，被迫簽署喪權辱國嘅《馬關條約》。

1894年，日本趁朝鮮發生東學教之亂，以保護使館為名出兵朝鮮，而清廷亦响7月25日派軍隊到朝鮮，出動「高陞」、「操江」兩艘運輸艦運送士兵，並由「廣乙」、「濟遠」兩艘巡洋艦護送。期間，日軍喺豐島附近海域發動攻擊，將高陞號擊沉，船上接近900人喪生。而操江號同廣乙號就分別被俘同觸礁擱淺，只有濟遠艦逃脫。

消息傳返中國之後，輿論譁然，兩國响8月1日正式宣戰，由於當年嘅天干地支係甲午，所以呢場戰爭被稱之為甲午戰爭。呢場戰爭維持咗幾個月，清廷經歷連番慘敗之後，兩國响翌年簽訂《馬關條約》，清廷被逼割地賠款。

圖片嚟自網絡。