阿史近排聽返啲舊歌,聽到歌神許冠傑嘅《鬼馬雙星》入面有一句歌詞「求望發達一味靠搵丁」,係用嚟諷刺有人求發達一味靠呃呃氹氹、攞人著數。

講起上嚟「搵丁」呢個詞真係好耐無聽人講過,佢同搵著數、搵老襯嘅意思相似,都係解去佔人哋便宜、利用人哋嘅信任或者無知去拎著數。至於點解「搵丁」係用個「丁」字?其實「丁」即係我哋平時講開嘅「丁財兩旺」、「人丁單薄」個「丁」一樣,解人或者人氣。所以「搵丁」又有呃到嘅人多,著數自然就多嘅意思。得閒聽返啲舊歌,發現有唔少㜺鬼俗語,之後再同大家分享吓。

圖為《鬼馬雙星》劇照,原圖嚟自網絡。