近年有唔少人都覺得啲電視劇太多鬥爭嘢，睇到有啲厭，反而鍾意睇啲小品劇多啲。阿史諗起無綫以前有一套叫《無業樓民》，喺2000年初播映，主角包括劉松仁、伍詠薇、江華、張燊悅同埋廖啟智，睇過就知「卡士」強勁！

套劇講述劉松仁本來任職人力資源部主管，但後來遇到金融風暴，搞到份工都無埋，而佢之前買落嗰層豪宅亦變成負資產。劉松仁於是就將層樓一分四做「劏房」，出租俾三伙人，租客包括伍詠薇、張燊悅同廖啟智，四伙人有住唔同嘅背景、唔同嘅故事，結果住埋一齊產生唔少矛盾同感情。最後劉松仁仲同戲入面嘅花花公子好友江華以及廖啟智一齊創業，唔通真係絕處逢生？

圖為劇照，取自網絡。