前排港鐵不時發生故障,阿史咁啱就睇到呢張港島綫通車初期,市民喺中環站搭地鐵嘅情景。其實港島綫响1985年5月31日開始分階段通車,係香港第三條通車嘅地下鐵路,第一階段係來往金鐘至柴灣,而第二階段响1986年5月23日通車,由金鐘接駁中環同上環。而第三階段就即係而家嘅西港島綫,當時因為土質同技術問題而暫時唔興建。