香港劍擊運動員江旻憓早排喺世界錦標賽獲得銅牌，成功為香港喺劍擊世錦賽奪得首面獎牌，絕對係一個歷史新突破。提起世界賽事，就一定唔少得要講講為香港喺奧運奪得首面金牌嘅「風之后」李麗珊。香港隊由1952年開始參加奧運會，過咗44年，香港喺奧運獎牌榜上一直空白，直至喺1996年7月29日嘅阿特蘭大奧運會上，李麗珊為香港奪得滑浪風帆比賽嘅第一面金牌。呢個「1」字，係無數鍛煉、歷盡艱辛嘅成果。

當時最令人難忘嘅係，李麗珊喺奪金之後激動高呼：「香港運動員唔係垃圾」。呢句說話唔單止成為家傳戶曉嘅名言，仲振奮咗全香港人嘅心，其後香港更掀起一股滑浪風帆熱潮。

原圖嚟自李麗珊facebook。