香港幾乎每年都受颱風吹襲，好似今次嘅「韋帕」咁，為香港帶嚟狂風暴雨。講開颱風，不得不提1962年9月嘅十級颱風溫黛，當年風暴潮湧入吐露港，大埔一帶被淹沒，風災導致183人死亡、388人受傷，超過100人失蹤，7萬人無家可歸。溫黛威力強勁，有二十幾艘遠洋船擱淺、五百幾艘小艇沉沒，而陸上交通方面，無數汽車被暴雨沖落山坡，堆塞於北角名園西街。