早兩日行過尖沙咀半島酒店，令阿史諗返起呢座建築背後嘅歷史，一於同大家分享吓先。呢張係香港60年代半島酒店嘅相片，當時酒店仲未擴建，其實半島酒店响上世紀20年代興建，落成之後曾經短暫用作駐港英軍臨時軍營，英軍撤走之後，酒店响1928年12月11日正式開業，至今超過90年，並一直維持高端定位。酒店開業初期，房間日租高達11元，相當於當時一般打工仔嘅幾個月工資。多年來，半島酒店入住過嘅名人多到數唔晒，包括美國前總統尼克遜、英女王伊利沙白二世、荷里活影星阿諾舒華辛力加同湯告魯斯等等。

半島酒店60同80年代翻新，之後喺90年代擴建新翼，設有過百間房同寫字樓。响2009年，半島酒店獲評為一級歷史建築。

圖片嚟自網絡。