之前有新聞就話,依家位於中環嘅郵政總局將會拆卸,將郵政總部搬去九龍灣,騰出中環呢塊地皮。呢單新聞引起唔少迴響,包括唔少反對聲音,阿史今日介紹吓中環郵政總局嘅歷史啦。

依家嘅中環郵政總局係香港第四代郵政總局,喺1974年10月動工,1976年8月啟用,當時郵政總局設有三個碼頭,方便利用輸送管將郵件送入船隻。時至今日,郵政服務已經唔使再用船運送,再加上中環缺乏商業用地,所以早喺1985年政府就已經構思遷走郵政總部。

到咗上年,呢個話題再次上立法會討論,不過就有啲民間團體質疑,而家郵政總局落成唔夠50年,而且結構完整堅固,拆卸嘅話會造成超過1.26萬立方米建築廢料,相當於填滿5個泳池。要拆要起定要保留?最好攝高枕頭諗清楚先呀~

原圖取自網絡。