响金庸小說入面,丘處機係全真七子之一,武功高強,積極抗金,可以係個愛國俠客。不過,歷史上嘅丘處機就以弘揚全真教為己任,同抗金無直接關係,仲好唔俾面南宋皇帝添。

據《元史》記載,丘處機係山東棲霞人,細細個就被算命佬話佢有神仙相,佢19歲就出家,並拜全真派始創人王重陽為師。王重陽一見丘處機,就覺得佢有慧根,好器重佢。而丘處機亦都不負所望,喺佢掌教期間,全真教嘅發展進入興盛時期。真實嘅丘處機並非抗金俠士,反而積極向金廷靠攏,爭取金廷嘅承認同重視。金朝統治者更曾召丘處機入京問道,命佢主持萬春節醮事添。

由於丘處機喺民間有一定嘅聲望同影響力,而丘處機掌教時期正值金、元交替之際,金、蒙古、南宋三方統治者都爭住籠絡丘處機,以爭取佢喺民間嘅支持勢力。南宋同金國先後派出使臣請丘處機出山,丘處機均未應詔,反而後嚟不辭勞苦咁去見咗蒙古可汗成吉思汗,勸成吉思汗「止殺」。

圖為丘處機畫像同夏雨飾演嘅丘處機劇照,取自網絡。