朝早去茶樓歎返一盅兩件,確係人生一大樂事。而家講起粵式傳統酒樓,相信唔少人都會諗起中環嘅蓮香樓,其實以前有更多唔同選擇,好似相入面位於西區皇后大道西同正街交界、响1920年開業嘅「多男酒樓」咁,開業嘅時候嗰度係幢4層高嘅木樓,後來重建成石屎樓。唔講唔知,原來多男酒樓係香港首間裝有冷氣嘅酒樓,相當與時並進。但可惜,多男酒樓最終响1995年7月31日結業,令75年嘅歷史落下帷幕。

原圖取自網絡。