阿史之前都講過唔少歷史名人到訪香港嘅情形,今次就介紹吓文學家魯迅嘅訪港經歷喇。魯迅一生一共嚟過香港三次,其中兩次都只係路過,只有一次上過岸。呢張相係位於上環必列者士街嘅香港基督教青年會(YMCA)會所,魯迅1927年2月18同19日訪港期間,就曾經响呢度以《無聲的中國》同《老調子已經唱完》為題演講。不過魯迅就對此行印象麻麻喇,佢批評香港文化保守落後,認為港英政府尊孔崇聖係「別有意圖」。

圖為YMCA會所、大禮堂,取自網絡。