唔知大家有無聽過鄭秀文1995年嘅歌曲《加爾各答的天使》？呢首歌由著名填詞人林振強操刀，係為咗紀念德蘭修女獲得諾貝爾和平獎而寫嘅。生於馬其頓嘅德蘭修女，喺1946年受感召獻身服務加爾各答貧民，故佢又有「加爾各答的天使」之稱。德蘭修女一生為貧病老弱奉獻，直至1997年今日病逝。三年前被封聖嘅佢，生前曾經講過「如果我被封為聖人，我肯定會係黑暗嘅一個。我會持續地於天堂缺席，去燃亮地上黑暗。」

德蘭修女自1928年受傳教工作啟發，決心成為傳教士。隨後為學習英語而加入愛爾蘭「洛雷托修女會」，自此就無見過屋企人。到咗加爾各答之後，德蘭修女為當地貧民服務，並獲得世界肯定同埋喺1979年獲頒諾貝爾和平獎。德蘭修女受唔少民眾敬愛，2003年佢獲封為真福嗰陣，有超過30萬信眾去梵蒂岡參與儀式。德蘭修女三年前獲教宗封聖，不過亦有人對於佢所開嘅收容所物資不足、衛生條件惡劣，質疑大筆捐款是否用於真正所需嘅人身上。

原圖嚟自網絡。