今日係「哥哥」張國榮63歲冥壽，咁啱阿史前幾日寫張曼玉嘅時候，亦都翻睇電影《緣份》同主題曲嘅MV。電影入面除咗有張曼玉，仲有張國榮同梅艷芳呢兩位已故巨星，真係令人唏噓。除咗音樂同電影，張國榮嘅性情亦都為人津津樂道，唔少藝人都讚佢好熱心提攜後輩。

早嗰排，張曼玉喺內地拍攝綜藝節目《少年可期》嘅時候就分享過張國榮嘅一段往事，話兩人以前拍戲嗰陣，張國榮會專登喺佢面前讚其他人嘅表現好，叫佢要努力；張曼玉話自己當時心諗，可能張國榮覺得佢很懶，所以嗰時會覺得有啲煩：「點解話我懶呢？我努力你都唔知道。」當然，事後張曼玉睇法唔同咗，知道會咁講嘅人其實唔多，所以亦好感激對方嘅真心。

原圖取自網絡。