之前同AB兩位朋友唔知傾開啲咩歷史話題，其中A先生一時醒唔起嗰段史，就被B小姐話「冇料扮四條」，A先生當場黑面，嚇到阿史鼻哥窿都無肉。其實阿史想講「四條」都唔係最勁，咁究竟邊款牌面先最威？

「冇料扮四條」係話人冇真實本事，但就扮到好似好勁咁。至於「四條」，其實就係平時玩啤牌嗰陣，四個相同點數嘅組合，例如四條煙、四隻King咁。「冇料扮四條」原意就係話一個人手上明明係一副爛牌，但就扮到自己好似有四條咁。而係啤牌組合裡面，同花順，即係連續5張相同花式嘅順序組合先係最勁，所以話呢，要扮就梗係扮同花順喇！

圖為《賭俠》劇照，原圖嚟自網絡。