喺35年前今日，即係1984年9月26日，中英兩國政府喺北京草簽《中英聯合聲明》，當時雙方代表為中國副外長周南同英國駐華大使伊文思，英國政府亦喺同日發表《中英關於香港前途的協議草案的白皮書》。《白皮書》提到，英國政府有信心呢份協議可以令香港喺1997年成為中國嘅特別行政區之後，繼續保持穩定、繁榮，並極力推薦俾香港人同埋英國國會。

《中英聯合聲明》宣布，中國政府喺1997年7月1日對香港恢復行使主權，並成立香港特別行政區，特區享有高度自治權、生活方式不變，以及保持自由港、獨立關稅區同國際金融中心地位等12條條文。其後於1984年12月19日，中國國務院總理趙紫陽同英國首相戴卓爾夫人响北京正式簽署《中英聯合聲明》。

圖為周南、伊文思草簽《中英聯合聲明》，取自網絡。