上個禮拜，阿史獲邀去尖沙咀K11參加咗個以華僑領袖陳嘉庚為代表嘅愛國僑胞參與新中國建設嘅展覽。今年係新中國成立70周年，亦係陳嘉庚誕辰145周年。陳嘉庚對於團結海外華僑共同抗日、出資興學辦校等都作出過重大貢獻。其中，集美學校、廈門大學就係由陳嘉庚創辦，而為咗令集美學校有一個長期而穩定嘅經費收入，集友銀行因此誕生。

展覽現場，除咗有陳嘉庚等愛國華僑嘅事蹟之外，仲有VR專區同即場自製磁石貼嘅互動專區，有興趣體驗嘅朋友要趁早喇，個展覽做到星期四咋。