喺2008年嘅今日,奧巴馬喺美國總統選舉中擊敗共和黨對手麥凱恩,當選第56屆美國總統,翌年1月正式宣誓就職,成為美國歷史上首位非洲裔美國總統。奧巴馬2009年上任,同年就獲頒諾貝爾和平獎,當時評審委員會就話呢個獎項唔係嘉許佢嘅成就,而係寄望佢上任之後帶來世界和平,但幾年之後諾貝爾和平獎前秘書長倫德斯塔坦言覺得後悔。

喺競選總統期間,奧巴馬曾經批評喬治布殊政府以伊拉克藏有大殺傷力武器為由,攻打伊拉克,奧巴馬表明上任總統之後會喺16個月之內撤軍,最終到咗2011年12月最後一批美軍先至由伊拉克撤出。但美國推翻薩達姆政權之後,伊拉克並無得到真正嘅安寧,撤軍後伊斯蘭國冒起,全球受恐怖襲擊嘅威脅去到一個前所未見嘅程度。

原圖取自網絡。