最近有新聞提到恒基地產將會借出錦上路江夏圍嘅土地俾政府興建「過渡性房屋邨」，並斥資三、四千萬元活化江夏圍大宅，之後供社企、非牟利補習中心等租用。鮮為人知嘅江夏圍因此走入大家嘅視線，阿史今日就同大家講多小小有關呢間大宅嘅故事。

江夏圍大宅係由廣東省梅縣嘅著名黃金商人黃廣僑興建嘅客家住宅，至今已有86年歷史，喺2012年被確定為三級歷史建築。住宅嘅主樓源遠堂有兩層高，仲有一個工人宿、小庭院舍同門樓。江夏圍附近嘅凹頭警署，喺日佔時期曾被日軍破壞，江夏圍大宅其後一直被用作臨時警署，直至1953年新警署落成為止。由上世紀60年代起，源遠堂被陸續改做廠房。

恆基表示，活化工程將保留大宅嘅客家建築特色，並參照原嚟嘅建築設計面貌復修活化。

圖為江夏圍主樓同作為臨時警署舊相，原圖嚟自網絡。