唔知有無人同阿史一樣，細個一放學返屋企轉去明珠台，就係為咗睇《芝麻街》（Sesame Street）？呢套以公仔為主角嘅兒童節目，自1969年今日首播以嚟，就陪伴住全球無數小朋友一齊成長。

《芝麻街》製作人Joan Ganz Cooney同Lloyd Morrisett抱住以電視節目教育兒童，並將歡樂傳遞開去嘅理念，同著名木偶師Jim Henson合作一齊製作《芝麻街》。《芝麻街》憑住可愛嘅公仔Elmo、Cookie Monster等性格鮮明嘅角色、豐富嘅劇情、動聽嘅音樂，俘虜萬千小朋友嘅歡心，成為美國最長壽嘅兒童節目，出完一季又一季。

唔止節目收得，《芝麻街》入面嘅角色人氣絕對唔會輸蝕俾荷里活明星，其中一個叫Big Bird角色更喺1978年參與一個兒童外交會參觀白宮。

2009年《芝麻街》40周年嗰陣，更獲頒艾美終身成就獎，連時任美國總統奧巴馬亦發賀電恭喜《芝麻街》，可見佢嘅地位非同小可。

原圖嚟自網絡。