喺1923年11月8日晚上,德國納粹黨領導人希特勒响慕尼黑發動「啤酒館政變」,企圖推翻威瑪共和政權,但政變最終失敗收場。希特勒被捕之後,利用出庭審訊嘅機會宣揚佢嘅政治理念,籠絡民心博取同情,亦成為全國性嘅新聞人物。希特勒最終被判處5年監禁,但實際上9個月之後佢就獲得提早釋放。

當時希特勒受到意大利墨索里尼發動「進軍羅馬」政變奪權嘅經驗啟發,希望先奪取巴伐利亞嘅政權,繼而向柏林進軍,推翻中央政府。喺1923年11月8日,一班巴伐利亞官員响慕尼黑貝格勃勞凱勒啤酒館宣傳政綱,希特勒帶領一隊納粹衝鋒隊隊員包圍啤酒館,希特勒走入啤酒館、行上講台,大叫「全國革命開始」、「政府已被推翻」,又勸服在場三位官員同佢合作。但無幾耐嗰三位官員趁亂逃走,希特勒好嬲,就率領3000幾名衝鋒隊員衝向市政府,但當時市政府早有準備,好快就將政變鎮壓,拘捕希特勒同其他納粹黨人。

圖為1945年美軍行經貝格勃勞凱勒啤酒館,取自網絡。