唔知有無人學過或者學緊普通話？有無人覺得普通話嘅拼音好難學？如果初學者用「袁氏拼音漢字字母」嚟學普通話嘅話，可能會比較輕鬆。呢套「袁氏拼音漢字字母」係由曾經擔任過印度加爾各答領事館副領事、中國首位女外交官袁曉園所創。袁曉園除咗外交技巧了得之外，閒時仲會教吓華僑中文，呢套「袁氏拼音漢字字母」就係用嚟幫助海外華僑學中文嘅，連總理周恩來睇過都讚好。

袁曉園喺加爾各答領事館工作期間，曾經教過當地嘅華僑學中文。就喺教學過程入面，袁曉園發現當地人學中文相當困難，所以佢就想創出一種簡單嘅拼音系統嚟幫助佢哋學習。而經過長時間研究，袁曉園起草咗《漢字現代化方案》，創造出袁氏拼音漢字字母。呢套字母同宜家嘅普通話拼音唔同，唔單止可以顯示出唔同音調，仲可以區分同音字。不過，呢套拼音字母依然未得到廣泛應用。

原圖嚟自網絡。