人力車我哋喺民國片就見得多，但大家又知唔知原來揸人力車都要有車牌？到喺今時今日嘅香港仲有？無錯，真係有，不過人力車伕就得返一千零「一個」。

人力車又叫黃包車，係19世紀末、上世紀初香港嘅主要交通工具，而坐人力車簡直係一種身份嘅象徵，據講以前唔少名人富豪好似何東、利希慎咁，屋企都有黃包車長駐。不過，隨住1924年香港引入的士之後，人力車嘅數量就慢慢減少，生意亦大不如前。去到2017年，全港就只係剩返一個持牌人力車伕——洪伯。

原嚟人力車都要考牌？係㗎，由1887年11月起，政府規條限定人力車嘅闊度為一米，人力車伕要有牌照，上面仲要有車伕張相，夜晚8點後拉車更加要有燈。之但係，港英政府早响1968年已經停止向人力車發牌，就算宜家有人想入行都無行喇。

原圖嚟自網絡。