第二次世界大戰期間,盟軍分別喺蘇德戰場、北非戰場同太平洋戰場取得重要勝利,英國政府提出召開英、美、蘇三國首腦會議,美國總統羅斯福就認為中國喺抗日戰爭中作出唔少貢獻,希望將三國首腦會議改成四國首腦會議。但當時國民政府主席蔣介石同英國首相邱吉爾都認為,蘇聯未對日本宣戰,中、蘇兩國領導人唔適宜會晤,於是羅斯福同邱吉爾就決定,先喺埃及開羅召開美、英、中三國首腦會議,再喺伊朗德黑蘭召開美、英、蘇三國首腦會議。

1943年11月22日至26日,三國首腦喺開羅近郊嘅米納豪斯飯店召開會議,史稱「開羅會議」,主要討論反攻緬甸、援助中國、戰後處置日本等問題。

原圖取自網絡。