近排嘅社會運動令香港理工大學成為全城焦點。講起理大嘅歷史,可以追溯到1937年成立嘅香港官立高級工業學院開始,該學院當時位於灣仔活道,係香港第一間由政府資助並提供專上工科教育嘅院校。不過,佢正式命名為「香港理工大學」都係1994年今日嘅事。

1947年,香港官立高級工業學院改名做香港工業專門學院,提供全日制同兼讀制課程;1956年,學院紅磡校舍嘅建築工程正式展開;到咗1965年,當時仲係立法局非官守議員嘅鍾士元喺立法局會議入面倡議成立一所理工學院。1972年8月,香港理工學院正式成立,並接管香港工業專門學院嘅校舍同職員。之後,理工學院不斷擴張發展,陸續開辦學士、碩士同博士學位課程。直到1994年今日,理工學院正式取得大學地位,正名為「香港理工大學」。

原圖嚟自理大。