較早前，有「水都」之稱嘅意大利威尼斯發生水災，漲潮水位達1.87米，係超過50年嚟最嚴重嘅水災，僅次於1966年嘅1.94米。今次水災目前已經造成最少2人死亡，而威尼斯多處景點例如聖馬可廣場、鳳凰劇院、佩薩羅現代藝術畫廊等等，亦都受到唔同程度嘅破壞，威尼斯市長估計全市損失達數億歐元。據聞喺佩薩羅現代藝術畫廊樓上嘅東方藝術博物館，就收藏咗超過3萬件嚟自中國、日本同印尼嘅藝術作品，佩薩羅現代藝術畫廊喺水災期間，更一度因為電線短路而發生大火。

意大利政府响2003年曾推出「摩西工程」計劃，喺威尼斯潟湖嘅3個入口處興建48座巨大閘門，當海水上漲到一定水平嘅時候，升起閘門，阻擋海水湧入潟湖，不過多年嚟就因為超支、貪腐等問題，遲遲都未完工。

原圖取自網絡。