近排唔少歌手都宣布取消或延期喺紅館舉行嘅演唱會,令唔少fans大失所望。講開呢座紅磡體育館,今日就講少少關於佢嘅歷史喇。紅館1981年落成,佔地1680平方米,可以提供超過1.2萬個座位。紅館外形獨特,就好似一座倒金字塔,內部一條支柱都無,令觀眾可以不受阻擋觀賞節目,自然就成為舉行演唱會、匯演等娛樂節目嘅好地方。由1984年4月啟用至今,已經有過百名歌手喺紅館舉行演唱會,亦都係好多歌手嘅目標、夢想,可以話係香港流行音樂文化嘅象徵之一。

而第一個喺紅館演唱會嘅香港歌手就係歌神許冠傑喇,佢喺紅館啟用1個禮拜之後,就連開3場演唱會,並且取得空前成功;而溫拿樂隊同鄧麗君响同年稍後時間亦都喺紅館開演唱會,分別成為喺紅館開演唱會嘅首支樂隊同首位女歌手。

原圖取自網絡。