阿史近日睇新聞,話日本漫畫家、《銀河鐵道999》作者松本零士喺意大利都靈出席活動期間暈倒,送院後呼吸困難,仲一度傳出佢中風嘅消息,共同社日前引述消息人士話佢現時情況穩定,等佢身體恢復就會返日本。松本零士對軍事、歷史同天文學都幾研究,除咗《銀河鐵道999》,《宇宙戰艦大和號》同《千年女王》等作品都同太空有關。

《銀河鐵道999》漫畫由1977年開始連載,之後拍成動畫,故事講述少年男主角星野鐵郎希望實現媽媽嘅遺願,得到機械化身體,得以永生,於是佢就跟住一位好神秘嘅女仔、女主角美達露登上銀河鐵道999號列車,出發去到終點站,更換機械身體。最令阿史深刻嘅,就係銀河鐵道999號列車同女主角美達露,想當年呢套動畫都曾經掀起一股鐵路熱潮。。

原圖取自網絡。