早幾日講到諾貝爾獎基金最初係靠瑞典化學家諾貝爾嘅遺產而嚟,再透過理財專家一直投資,咁先有錢頒俾每年嘅諾貝爾獎得主。不過,諾貝爾呢份將自己嘅遺產成立諾貝爾基金嘅遺囑,其通過嘅過程可謂困難重重,以致於宜家全球關注嘅諾貝爾獎差啲胎死腹中。

諾貝爾遺囑公佈之初,瑞典輿論幾乎都係譴責嘅聲音居多,除咗因為遺產無捐俾瑞典之外,仲被質疑單派發獎金俾社會個別傑出人士無助社會進步。而瑞典律師亦稱該遺囑存在唔少法律缺陷,例如無明確指出呢筆遺產由邊個嚟保管,所以遺囑執行人無權繼承諾貝爾嘅遺產,更加無辦法成立諾貝爾基金。可以話,差小小,諾貝爾嘅遺囑就要被宣告無效。

好在,多得諾貝爾遺囑執行人嘅不斷努力,瑞典國王終於喺1898年宣佈諾貝爾遺囑正式生效,咁先出現今日嘅諾貝爾獎。

圖為諾貝爾,原圖嚟自網絡。