香港嘅私家診所收費貴，又唔係24小時服務，所以唔少基層市民寧願等耐啲都會去公立醫院急症室。喺2002年11今日之前，去公立醫院睇急症係免診金㗎。不過，為咗防止急症室服務被濫用，政府提議公立醫院急症室應該收費，但考慮到低收入人士嘅負擔能力，政府最終決定公立醫院嘅急症室每次向合資格人士收取100蚊、非合資格人士收570蚊，並喺2002年今日凌晨生效。呢個收費一直維持至2017年6月17號。

急診室開始收費之後，有統計數字指出，急症室每日平均求診人次比2002年同期少11%，急症室嘅壓力喺短期內明顯得到紓緩。不過，隨住香港物價上升、通脹率高企，急症室嘅收費早已不足以紓緩輪候時間過長、醫護人手不足等公營醫院壓力。有見及此，政府喺2017年6月18號起，將急症室收費提升至180蚊，而非合資格人士就加到1230蚊。

原圖嚟自網絡。