二戰期間，美、英、中三國領導人於1943年11月喺埃及開羅召開「開羅會議」，同年12月1日發表《開羅宣言》，表明會繼續戰鬥至日本無條件投降為止。另外，宣言又提到要日本要歸還喺中國掠取嘅領土，例如東北四省、台灣、澎湖列島等等。1945年，同盟國發表嘅《波茲坦宣言》，就寫明「開羅宣言之條件必將實施」，肯定咗《開羅宣言》嘅內容。同年，日本戰敗無條件投降，同意《波茲坦宣言》嘅條件，亦即係接受《開羅宣言》嘅內容。

《開羅宣言》除咗解決戰後領土問題嘅安排外，有學者就認為，「開羅會議」同《開羅宣言》亦確認中國喺抗日戰爭中嘅努力，亦成為中國提高國際地位嘅第一步。

原圖取自網絡。