早幾日講起葉問,提到佢嘅詠春師承陳華順、梁璧,今日就講多少少葉問之後嘅事。梁璧喺1911年逝世,之後佢就返到家鄉佛山繼承祖業,二戰期間佛山嘅工商業都被日軍控制晒,令葉家生活相當困苦。日軍好欣賞葉問嘅功夫,曾經邀請佢擔任憲兵隊嘅武術教練,但被葉問堅決拒絕,仲話一個人嘅民族氣節比咩都重要!

二戰結束之後,葉問應邀加入縣政府嘅刑事單位,幫手追捕盜賊劫匪。直至1949年,已經年過50嘅葉問來港定居,並以教授詠春拳術維生。起初葉問喺港九飯店工會理事長梁相安排之下,去到飯店工會教授詠春拳,而梁相就成為葉問嚟到香港之後收嘅第一位徒弟,之後嚟跟葉問學詠春嘅人亦越來越多、涵蓋社會唔同階層,當中要數最出名嘅徒弟就要數武打巨星李小龍。

原圖取自網絡。