依家大家都知中美之間嘅貿易談判相當艱難，亦都處於非常關鍵嘅時期，不過講起艱辛嘅貿易談判，就不得不提當年中國加入世貿組織（WTO）嘅歷程。喺2001年嘅今日（11/12），《中國加入世貿組織議定書》正式生效，中國成為世貿第143個正式成員，但呢場「入世」談判就經歷咗漫長嘅15年，而其中嘅「最艱難時刻」，可能就要講番1999年11月中美雙邊談判嘅一段故事。

1999年11月10-15號，中美雙方喺北京展開6日6夜嘅馬拉松談判。去到13號，雙方已經進入技術性磋商，但到咗14號凌晨，美方突然中斷磋商離場；15號，時任總理朱鎔基親自加入談判，呢一日，中美之間剩低7個問題仲未達成共識。僵局之際，朱鎔基表示，對於美方拋出嘅前3個問題，都「同意」，不過，當美方拋出第四個問題時，朱鎔基就提出，「後面4個問題，你哋讓步吧；如果讓步，我哋就簽字」。結果 5分鐘之後，美方同意咗。

依家睇番轉頭，其實2000年係美國大選年，所有黨派都會攞「中國議題」嚟大造文章。所以話有時睇歷史，總會發覺有好多驚人嘅相似之處。

原圖取自央視、新華社。