講開香港日據時期嘅歷史,可能好多後生仔都未必知,我哋依家常見嘅日本人90度鞠躬禮儀,喺當時嘅香港,係日軍對香港人嘅一項要求、命令。

據經歷過日據時期嘅長者憶述,日軍攻佔咗香港之後,就要求香港人要學識敬禮。當時週街都有日本人,香港人出街避得就避;萬一被日本人叫停,就一定要敬禮。當時敬禮鞠躬都有個標準,就係左手要放到眼眉位置,彎腰要有90度。萬一日軍見到你唔肯行禮,又或者懷疑你係抗日游擊隊成員,輕則被拘捕、毆打,重則就連命都無!

圖為日軍喺彌敦道嘅巡遊,原圖嚟自網絡。