阿史之前提過嘅馬灣芳園書室，前身其實就係舊時嘅私塾，大家又知唔知，私塾有個俗稱叫「卜卜齋」，但呢個名又係點嚟嘅呢？原來係同體罰有關嘅。

話說以前啲私塾嘅「教學方法」基本上都係死記爛背，要學生去背誦唐詩宋詞、四書五經等等，當啲學生背得唔好，啲老師就會拎啲長形木板或者竹片敲打學生，主要都係打手心，亦有老師會打學生個頭、甚至屁股，經常發出「卜卜」聲嘅敲打聲，於是啲廣東人就將私塾稱之為「卜卜齋」喇。雖然今時今日教育制度唔鼓勵體罰同死記爛背，但有讀過「卜卜齋」嘅人就覺得，當年背熟古文詩詞，對日後寫作非常有幫助。

圖片為舊時嘅私塾，取自文匯報。