噚日講開春運,阿史就諗起以前逢年過節,唔少人回鄉探親、逼爆過關嘅情景,當年可供選擇嘅口岸冇依家咁多,羅湖就成為最主要嘅途徑。

講起羅湖口岸,話說喺1952年,深圳海關嘅前身九龍海關首次喺羅湖設立監管站,檢查過關旅客。但當時仲未有正式嘅辦公大樓,九龍海關關員就响路軌旁邊set好一張張木檯,檢驗過境旅客,可以話羅湖海關嘅雛形。幾年後,九龍海關又喺羅湖車站起咗一排木板房,去到上世紀60年代,再改建成一棟兩層高的水泥辦公樓,之後直到1980年代中期,大家熟悉嘅羅湖聯檢大樓先至完工建成,而羅湖海關就正式於1986年掛牌成立。

上圖:1970年代的;下圖:2010年的羅湖口岸,取自新華社。