喺1888年(光緒十四年)嘅今日(17/12),中國打造嘅一支近代化海軍艦隊喺山東威海衛劉公島正式成軍,呢支艦隊就係北洋水師,當時又稱為北洋艦隊、北洋海軍。早喺艦隊成軍之前,當時清朝政府就從外國買入多艘艦艇,包括穹甲巡洋艦致遠號、靖遠號,以及裝甲巡洋艦經遠號、來遠號等等,以壯大北洋水師實力。根據當年《美國海軍年鑒》排名,當時嘅北洋水師實力位居亞洲第一、世界第九。

據載,北洋水師早喺光緒元年(1875年)就開始籌建,係洋務運動其中一項重要項目,但艦隊正式成軍後冇幾耐,1894年中日爆發「甲午戰爭」。1894年9月17日,北洋水師及日本聯合艦隊喺黃海海域交戰,結果北洋水師戰敗,損失五艘戰艦,其中就包括「經遠艦」。而成個北洋艦隊亦都喺1894-1895年嘅甲午戰爭中全軍覆沒。

去年國家文物局嘅一支考古團隊,就响遼寧大連莊河海域發現喺甲午戰爭期間被擊沉嘅「經遠艦」;而在此之前,另一艘致遠艦亦喺2013年被國家文物局考古發現。

原圖取自國防部網頁。