喺1991年今日，中國第一座跨越海峽嘅公路大橋──廈門大橋正式通車，大大改善島內外嘅交通網絡。民盟廈門市委副主委朱獎懷曾經分享過，喺興建廈門大橋之前，廈門出島嘅唯一通道就係高集海堤，但海堤只有2條車道，而且使用多年，路面凹凸不平，喺80年代廈門島內嘅汽車數目已經接近1萬架，令海堤不堪負荷。

廈門大橋喺1987年10月開始動工、1994年4月竣工、12月通車，前後用咗4年時間，相比起之後興建嘅海滄大橋、杏林大橋同集美大橋所需時間長，原因正正就係因為廈門大橋係全國第一座跨海大橋，建設者遇到好多唔少前人從未遇過嘅困難，最終都係成功克服，亦留下廈門海域水文、地質等方面嘅詳細記錄，對日後興建其他大橋同隧道有莫大嘅幫助。

廈門大橋全長6695米、主橋長2070米，闊23.5米，設有4條雙向車道，每日可以行駛2.5萬架次，落成之後改善島內外交通網絡，由島內去到同安，足足慳咗5小時車程，只需1小時就到達。

原圖取自台海網絡廣播電視台。