前兩日同大家講到中國內地由1978年開始走上改革開放嘅道路。隨住國門逐漸打開,大量時尚文化、新鮮潮流湧入,大眾嘅生活追求亦都開始發生改變,女士髮型髮飾就係其中之一。阿史今日搵到嘅呢張圖,就可以睇返女士們當年電髮嘅情景。1982年1月,上海最大嘅一間髮型屋——南京理髮店,新增咗26台大型落地吹風機,每日接待250幾個女顧客嚟電頭髮,星期日更增加到350至400個,認真好生意。 

原圖嚟自新華網。