文學家魯迅一生嚟過香港三次，其中一次仲係應邀嚟演講，嗰次就係响1927年2月，佢先後去到香港大學及香港青年會，發表咗題為《無聲的中國》同《老調子已經唱完》嘅演講，轟動文壇一時。而魯迅最後一次嚟香港，就係1927年9月28日，當時佢由廣州遷居去上海，途經香港，不過呢次魯迅喺香港過關嘅嘅經歷就遭遇到唔少麻煩，於是喺去上海嘅船上，佢就寫咗《再談香港》一文。

文章提到，佢喺離開廣州嘅時候，亦曾經接受過檢查，但當時檢查員「臉上是有血色的」，檢查完每一包紙、每一本書都會放位原處，相當整齊。但嚟到「英人的樂園」香港，檢查員「臉是青色的」，所謂檢查就係將行李箱入面嘅嘢倒晒出嚟，亂摷一通，整到亂晒，當時檢查員見到把小刀，就話係「凶器」；搜到盒蚊香，就斥魯迅「古怪」。對於呢種無理行為，仲有人歸咎於魯迅，話因為佢生得瘦，個檢查員就懷疑佢係鴉片販子。

原圖取自大公報。